انته المدلل مالتي
اتباها بسمك باشتي
اتعب اذا عني غبت
بس يمك اخذ راحتي
يابعد هايه وهايه
يگليبي والنبضايه
خايف عليك من الهوه
يالتشبه الوردايه
عايش حياتي بحبك
ظمني حبيبي ابگلبك
خليت للدنيا طعم
لك عيني فدوه الربك
حبك مثل انفاسي
يتمشه ويه احساسي
طيرت روحي من العشك
ياتاج كلبي وراسي
مجنونك اني افهمني
بعيون كلبك ضمني
اتجنن الدنيا احس
ياعمري من تحظني
ويه النبض خليتكم
ماجاي اميز بينكم
تتشابهه انته وروحي
نفس المعزه اثنينكم
