روح
يا روح الروح
وسيبني
امشي صراط مكتوب
وقل لي
فاكر آخر صوت، فاكر تضاريس المشهد
وانا ماشي، خلاص ماشي
الغيب اذكى، مكنتش عارف لسه
اني ماشي، خلاص ماشي
بتتلاشي، شايفك في طرف كادر شباكي فداكي
الألم يهون
حاسس بفقد مهول
لا مش معقول، مين المسؤول
قلوبنا تسمع كلام العقول
الهوا بيصفر، دق الطبول
ممكن استفسر؟
استني ثانية، ممكن نبطأ
ناخد وقتنا ونواسي ونطبطب
قبل ما نشطب وننزل بالتتر
هاقوم اتوضا وادعيلك في الوتر
الود ما يشيلش م الوزر
فراق فراق، ناكله بالبذر
إعلن الحرب
فجر الجسر
اكشف السر
اكشف السلك
يا ليل يا
كل رحيل وله سحره
كل رحيل هنفتكره
مديت لك ايدي بس ملحقتش باب المترو اتقفل
كتروا الركاب ومش حاسس بدفا
كل اللي بينا اختفى
سقوط حر، من آخر دور
خايف الشغف يبلعه الفتور
بيني وبينك مفيش أسوار، مفيش نفور
بينا الجروح، ممكن تروح
بينا الطموح، والقلب الجموح
روحي، يمكن نتقابل في مكان أحسن
غيبي، مش هسأل
هاسكت، أسهل
مش مستاهلة مجرد كل اللي كان نفسي فيه
بابني الأمل بتنسفيه
قصتنا شبه أسطورة سيزيف
وانا ماشي
خلاص ماشي
تنذكر ما تنعاد
وانا ماشي
خلاص ماشي
