بضحك قصادك برغم جوا فيه خراب
انا عقلي اتهوس بيها بقيت بشوفها زي سراب
غايبها طال البعد مرار الحب جاب ضياع
ضاعت مني كل حاجه ومكانش حيلتي غير صحاب
وانا حزني غيرهم... كان كل يوم بيزيد
قضيت من حمول بتزيد انا مش مخلوق حديد
والضحكه فوشي باهته مكانش سهل حزني
ومهانش عليا اشوف دموعك لما كانت بتسيل كحلك
جوايا حاجات واجعاني محدش عاشها غيري
زي كل نغزة فقلبي او لما افتكر انهم نكرو خيري
او صداع الصريخ فعقلي و بكايا ف كحل الليل
كل دا جوايا طاقتي خلصت و معادش فيا حيل
انا كاتم جوايا غم بصراحه تعبت م الكتمان
شلت كتير و الحمل زاد انا كتفي عمره م مال
حاوطت قلبي بالالغلام سحرتلي بقيت مشتاق
م كفايا عليا ي دنيا بجد مبقتش عارف انام
عارف اني طول الوقت بكون قصادكو ساكت
بتوه اوقات وساعات بتخانق مع ناس جوه دماغي
الجدعنه ف الزمان دا قلت معادش فيه سلكان
كل دول اذوني بس هيخلص حقي مع الايام
قضيت من الكتمان قضيت من الخزلان
بتاذيني ذكريات بشوفها قصادي قبل م انام
انا مكنتش غاوي هم بس انا راضي بالمكتوب
انا كل يوم ف ضغوط حاولت كتير و مفيش حلول
بخاف انام مقومش، غريق علشان مبعومش
عنيا دم قصاد مرايا وعنيها فيها كحل
لما ببان تمام قاصدك ساعتها بكون كداب
بفتكر اللي فات وساعات بقول ازاي الحب هان
زرعت شجره عشم قصفو كل غصن فيها
ذكرياتها مش ناسيها مشيت ولسه بحن ليها
من بعدك شوفت الوحده من بعدك شوفت المحنه
بشوف الناس مبسوطه بقيت اقول اشمعني احنا.
انا تعبان متسالنيش ازاي مش هعرف احكي
مش لاقي كلام يوصفني بتدمر كل يوم صدقني
فيا حاجات اذتني زي ضحكي وقت همي
زي التفكير و الخنقه زي كل نغزة فقلبي
دموعي البرد زي سحابه بتشتي جوا عنيا
الدنيا بتحاربني صعب اعيش الكل عليا
ومين طبطب عليا كفى اللي مسح كل دموعي
رجع الشتا تاني مش معاكي كان بدونك
عارف اني طول الوقت بكون قصادكو ساكت
بتوه اوقات وساعات بتخانق مع ناس جوه دماغي
الجدعنه ف الزمان دا قلت معادش فيه سلكان
كل دول اذوني بس هيخلص حقي مع الايام
قضيت من الكتمان قضيت من الخزلان
بتاذيني ذكريات بشوفها قصادي قبل م انام
انا مكنتش غاوي هم بس انا راضي بالمكتوب
انا كل يوم ف ضغوط حاولت كتير و مفيش حلول
انا شوفت العجب انا اكتر حد اتاذي
باللي اديتك كل الحب مختارتش ليا الا التعب
الحزن طريق مفيش غيرو يعني ف مفيش مفر
طالبه رجوع بعد فرقه بس كان الأمر صعب
نهشوني ولاد الناقصه و خيرهم من لحم كتافي
فيا حاجات اذياني متحكيهاش اغاني
انا قلبي ميت بره و عايش بملامح باهته
فضلت معاها وكله باعها حنيتلها طلعت جاحده
مفيش غفران لاعذارَكَ انا دقت كتير من ناركَ
دا كان قراركَ دوق من نفس الكأس دوق مراركَ
الدنيا هتيجي عليك لو كنت معاها غلوبه
خلي همك ليك انا استكفيت يعني اقفل بوقك
لساك تايه بين حيطان بتكلم نفسك؟
لساك جمب الحيط بتبكي محدش طيب جرحك؟
لساك بتشوف شات قديم... مستني اوصف حالتك
لساك بتسأل نفسك عملت ايه عشان تفارقك
عارف اني طول الوقت بكون قصادكو ساكت
بتوه اوقات وساعات بتخانق مع ناس جوه دماغي
الجدعنه ف الزمان دا قلت معادش فيه سلكان
كل دول اذوني بس هيخلص حقي مع الايام
قضيت من الكتمان قضيت من الخزلان
بتاذيني ذكريات بشوفها قصادي قبل م انام
انا مكنتش غاوي هم بس انا راضي بالمكتوب
انا كل يوم ف ضغوط حاولت كتير و مفيش حلول
