بدر البدور

كنت عندي ضي عيني من غلاك

كنت حارس من يواري طلعتك

كنت متربع ولا احدا سواك

فوق العرش الحب لكن غلتك

بعتني برخيص ذاك اللي شراك

بعت نفسٍ حبتك ثم اغلتك

لاتبرر لي صوابك من خطاك

لاتظن اني بسامح زلتك

لا انا في ارضك ولاني في سماك

لا بعد اليوم ادور طلتك

روح غيري علها تشبع هواك

ادري انها في هواها ذلتك

ياضعيف النفس هي من مستواك

علها تقدر تداوي علتك

ولا انا بدر البدور انا الملاك

كيف انزل مستواي لحضرتك​