بصيت عل مراية معرفتش أنا مين
بكيت على حالي معرفش أنا فين
مش شايفة غير حزن و موت
مش سامعة أي ذرة صوت
هيدا الأمل بدو صبر والصبر مفتاح الفرج
برسم ضحكة بلا حبر درجة درجة طلاع الدرج
الحجج بعمرها ما خلّت أيّ فسحة للتقدم
تهدّم سقف طموحك!؟ ما في وقت للتندُّم
شيلي ال "م" من المراية وارفع راية الحياة
خلّي يكون عندك غاية قول لعدوّك يلّا هات
الخيبات مش موجودة بطريقي للنجاح
ناس على بعضه حقودة لهيك كم واحد منّا جاح
كل ظلمة وراها نور .. شغّل بصر وبصيرة
إثبت مهما الأرض تدور .. ثقتك أقوى ذخيرة
كالحظيرة هيدا العالم بس كون فيها إنتَ الراعي
بحق نفسك ما تكون ظالم حقق حلمك إنت و واعي
كل أوجاعي عم بتخَطّى لحالي بداوي الكِلام
كل خُطّة عم بتخُطها بدها فعل مش كَلام
من الأوهام بدنا نطلع ونفرح قدر المستطاع
عالحياة جينا مَرّة مُرّة على من يأسهِ طاع
قادر تدوس عحكي الناس
قادر ترسم طريقك
قادر تخلص من الأنجاس
قادر تكتب مصيرك
بداية الحكاية ملهاش معنى
ذكرياتي قاسية، الماضي انتهى
بس الجروح أثرها موجود
هادية بس من جوا حروب
ما بغرق بالهموم كَوني قبطان السفيفة
ما بكب عحالي اللوم كوني بكبر الأسى فيني
بس للأسف فيني خصلة ما برد السوء بالسوء
يلي باعني لأنّي غالي تبرعت فيه بالسوق
ياما كنّا نغلط و بالنهاية رجعنا تُبنا
على الوجع كنا نضغط لهيدي الشخصية تُبنى
صار رفيقي هو القلم و سلاحي كان الكلمات
حكي العالم هو الألم لو همنا كان الكل مات
جاي بكرا ونبقى ذكرى حط ببالك إنو الفكرة
الحياة عِكرة بمن فيها لخّص طموحك بفقرة
عيشوا اللحظة حتى القمّة واحلموا أنكم عِظام
بتمّ الناس ما تكونوا لقمة .. بكرا بالقبرِ عِظام
صراط النجاح مش سهلة الأمل أحلى عقيدة
أنا قمّة لهالجبل .. سهلي بزرعوا عإيدي
حقل معجمي عم غنّي بحصد من الناس تهذيبها
اسمع مني هالغنية ل بس تيأس تهذي بِها
قادر تدوس عحكي الناس
قادر ترسم طريقك
قادر تخلص من الأنجاس
قادر تكتب مصيرك
