إعتذرت الفنانة سما المصري لنجم نادي ليفربول اللاعب محمد صلاح وزوجته وكل محبيه، عما بدر منها في الأيام الماضية بعد أن طلبت الزواج منه علناً أمام الجميع.

وجاء اعتذار سما المصري للاعب محمد صلاح وزوجته، بعد أن دخل عمدة قريته في اتصال هاتفي في برنامج الإعلامي جابر القرموطي الذي سأله عن رأيه في مسألة طلب سما المصري الزواج من ابن قريته محمد صلاح، ليرد عليه قائلاً: “لا تعليق”.

وجاء إعتذار “سما” عبر حسابها الرسمي على موقع انستغرام.. فقالت :

شفت برنامج جابر القرموطي وسمعت مداخله عمده((نجريج)) قريه النجم محمد صلاح ولما ساله الاستاذ المبجل القرموطي عن رايه في اشعه طلب زواج سما المصري من محمد صلاح رد العمده وقاله(( لا تعليق))….وكان باين من صوته انه زعلان…..بص ياعمده حقك عليا وحق صلاح ومراته علي راسي بجد وحق اهل اعظم لاعب في العالم علي راسي بجد وحقكم كلكم عليا انا والله عمري ماتوقعت ان الموضوع يوصل للدرجه دي ابدا …انا حسيت بحاجه وقولتها عندي هنا ع الصفحه حتي مش في الاعلام ولا الصحافه بس الصحفيين هم اللي اخدوا الاخبار من هنا من عندي……ياحضره العمده صلاح حبيبنا كلنا مش حبيبي انا بس ولو لو زعلك انت ولا حد من اهله فانا مااقدرش علي كده ابدا ووعد اني مش هانزل اي بوست تاني يخص صلاح او يخصني عشان مااجرحش مشاعر حد…الموضوع كبر وهو موضوع تافه بس عتابي عليك وع المذيع القرموطي المحترم انه مايصحش اني اتقارن بايات العرابي ولا ليبرمان الاسرائيلي وتقولي اني باشتت تفكير صلاح بالكلام دا ذي هم مابيعملوا….انا طلبت الجواز عادي وماكنتش فاكره ان الموضوع هيزعل ناس واهل بلده كده…حق كل قريه نجريج علي راسي وحق صلاح ومراته علي عنيا…انا بجد اسفه ارجوكم اقبلوا اسفي واعتذراي واعتبروني كنت باهرج وانا انسانه مجنونه ومريضه…صلاح دا احسن حاجه حصلت في مصر وربنا يخليه لمراته وبنته واسرته ويخليه لمصر كلها…انا اسفه بجد واسفه لكل اللي بيحبوه كمان

وكانت سنا المصري قد نشرت في وقت سابق صورتها إلى جانب النجم “محمد صلاح” معلقة:

الناس اللي بتقول اني لو اتجوزت صلاح هيبطل كوره وانه هجوم وانا محتاجه حد يكون هجوم ودفاع…..صدقوني والله جوزهولي انتوا بس وهياخد احسن لاعب في العالم مش بس احسن لاعب في الدوري الانجليزي……عمري ماهكون حنان بتاعت شحاته ابو كف صدقوني ….ابو مكه حبيب قلب عين امي من جوه…هي مصر جابت غير ابو صلاح بس اتجوزه شهر واحد…دا راجل قمرررررر ومفرح مصر والعالم كله…خساره فيا ابو صلاح ياناس؟؟؟🤔🤔🤔🤔…اللي هيقل ادبه في التعليقات هاعمل للي جابوه بلوك عشان بترجعوا تعيطوا….ابو صلاح حبيبي وانا حره فيه

قبل أن تنشر تعليقًا تشير فيه إلى أن “خناقة جامدة بين ابو صلاح وام مكه من ساعه ماعرفت اني عايزه اتجوزه”.. وقالت:

وبالفعل قامت خناقه جامده بين ابو صلاح وام مكه من ساعه ماعرفت اني عايزه اتجوزه وهاتك يازعيق وشخط وتكسير في العفش والنيش بقي ع الارض باللي فيه ذي اي ست مصريه اصيله وصلاح يحلف لها انه لسه ماوافقش علي الجواز مني وهي مصممه انها هتقتلني وتخلص الناس من قرفي وعندها حق بصراحه طلعت ست بتفهم انا نفسي مش طايقه نفسي…. وفي النهايه احب اقول لام مكه انا بحبك لانك مرات الغالي وهتبقي ذي اختي لما اتجوز صلاح صدقيني وبحب مكه وهتبقي ذي بنتي…انتوا عيلتي الصغيره واي حاجه من ريحه حبيب قلبي ابو مكه اشيله في عنيا حتي حمايا وحماتي بحبهم اوي وكفايه انهم جابولي احلي حاجه في الدنيا صلاح حبي انا…اموووواه

وفي منشور آخر كتبت المصري:

تصبح علي حبي ياقلبي ياروحي ياعنيا…انت الحته اللي في الشمال ومفيش غيرك قاعد في قلبي ومربع عريس المستقبل اللي بامووووت في عنيه السوده الحلوه دي….حبيت بس اغيظ اللي مايتسموا اللي مش عاجبهم حبي لصلااااح….كل لما تضايقوا من حبي ليه انا احبه اكتر واشير لينا صور اكتر اتغاظوا انتوا بس وانا هافضل احبه للابد….حيااااتشي ياصلووووحه….مممم…ادلعه كمان ولا كفايه عليكوا كده لتطقوا تموتوا ولا حاجه ومش مهم هو يحبني كفايه حبي ليه….صلاح دا بتاعي واللي هيقرب لحبي ليه هافشخه….بوسه ليك ياعمري قبل النوم….اموووووواه…..هموتكوا مشلولين ان شاالله🤣🤣🤣🤣🤣🤣🤣🤣🤣

ويبدو أن ما نشرته سنا المصري، وإن كان من باب الفكاهة، قد أثار حفيظة الشارع المصري وخلق بلبلة وصلت إلى الإتصال بـ “عمدة قريته” للإستفسار حول ما تم نشره !